لە مامۆستا مەسعوود محەمەدەوە
کوردی
فایلی کتێب
لە پەرستگەی «مامۆستای کورد»دا
وەکوو قوتابییەکی بەختەوەری هەستیار یاخود دەروێشێکی حەقسەلماندووی شێخی ڕابەر، دەستەونەزەر... بێ مەرایی... دوور لە تەما... کڕنوو دەبەم بۆ «مامۆستا»ی تەمەن دەساڵ و عەرزی خزمەتی دەکەم کە من حەفتاوشەش ساڵە گوێدێری پەندە نەدرکاوەکانتم و گەنجینە داخراوەکانتم کە بەڕێوە بوون بگەنە ڕۆژانی ئاخەلێوەی ژیانم و لێم ببنەوە بەو ئامۆژگارییەی قوتابیی سەرەتایی تەمەنی دە ساڵە بە دەرس لە مامۆستای تەجرەبەدیدەی حەفتا ساڵی وەردەگرێتەوە کە تازە بە تازەش ساڵی نۆیەمی عومری بێکۆتایی خۆی جێ دەهێڵێت ئیتر هەروا لە دەروونمدا مامۆستا و قوتابی تێکەڵ بە یەکتر دەبنەوە و وەک گۆران لەگەڵ خۆمدا دەڵێم:
نازانم کامتان کامن
کامتان نەوتی چرامن
من تۆم تۆ منیت... چۆنێک دەبین با ببین، ئەوەندەم بەسە لە سێبەرتدا بسێمەوە... بە سەرچاوەی ڕوونت دەزنوێژێکی کوردانە بشۆم. نەخێر بە جلکەوە خۆم لە کانیاوت هەڵێنم وەک تازە ساوایەکی بێ جلک و گەرد بێمەوە بەر تیشکی خۆرەتاوی کوردستانت خۆ من لە «نالی»ـیەوە فێرم لەگەڵ ڕۆحی خۆمدا سکاڵا بکەم:
بەو ئاوە خۆت بشۆ لە کدوراتی سەرزەمین
شاد بن بە وەصلی یەکدی کە تۆی طاهر ئەو طەهور
دەزانم تێک کردنەوەی سەرچنار و «مامۆستای کورد» قیلەشەرعی دەوێ، وێڕای نەختێک خۆخافڵاندن و چاونووقاندن و پشتبەستن بە کەمەربەندی وشەی بریقەدار، بەڵام بێگومان شەعبەدەبازیش، بە خۆی و جادووگەرییەوەی نەک هەر ڕەوایە بگرە بەولای پیرۆزیشەوە تێ هەڵدەکشێت کە دەستەودامانی نرخی باڵای شەرافەتمەندیی حەپەسانی گۆران و «شرابا طهورا» ی سەرچناری نالی و مزگەوتەماڵی «مامۆستای کورد» ببێت و وەنەوزێکی سەرخەوشکێنی دمەو بەیانی بە خۆی ڕەوا ببینێت، بۆ چرکەیەکی سەعاتیش بێ مەینەتی ئیقلیمگیری کورد و کوردستان بە دەست ڕۆڵەی کورد و کوردستانەوە فەرامۆش بکات کە فەرامۆشکردنی بۆ نییە مەگەر بە شێتبوون یا بە مەرگ. خۆڕایی نەبوو حاجی قادر فەرموویەتی:
هەتا وەک ئاگری ژێرکان لەگەڵ یەک
ئەگەر تووفانە لەشکرتان بە پووشەک
لەبەر حیزا بەخۆیی و ناتەبایی
لە ژێری حیزی حیزان بوونە دۆشەک
میراتگری سەردەمی نەخوێندوویی و بێ فەلسەفەیی و ئایدیۆلۆژیی ڕامیاری و ئابووری لەسەر میرات قەپوقیریان دەبوو، ڕەنگە ڕێکیش کەوتبانایە: وا لە دەرەبەیانی سەدەی بیست و یەکەم و بە سەقافەتی قەومایەتی و چینایەتی و دینایەتییەوە ڕۆڵەی کورد خۆی کرد بە میراتگری کفن و بەردەقەبری گەل و کوردستانەکەی ئینجا ئەگەر بەرهەڵستێک دەستی گرتن لە دابەشینی پارچەی کفن و کەرتی بەردەقەبر چ گلەیی لە عەزمی جەزمی ئەوان ناکرێت، ماڵم حەقە هەرگیز هێندە شێتگیرە نەبوون لە ئاست هیچ دوژمنێکدا، ئاخر بێگانە نابێ بێ ئوسووڵی لەگەڵدا بکرێت... چاو و ڕووی قایمی دەوێت!!
وا دڵم بۆ ئەو کەمتاکورتەی دڵسۆزی هۆشیار لێ دەدات لە پێشمەرگەی، عەرەب گوتەنی «صحیح النسب»ی نیشتمانپەروەری و خۆبەکوردزانین کە تەقەی ناچاری دەکەن ئاگر لە جەرگیان بەر دەبێت... دەست بۆ پاتاڵ نابەن... بەخۆ دەشکێنەوە... هانام بۆ هێنایت «مامۆستای کورد»، تاڤگەی شەرافەتی کوردایەتی! ڕۆحانیەتن فریای هەموو کوردی دڵسووتاو بکەوێت و ئاواتیان بگەیەنێتە دی، خۆ تۆ هێندەی مەرقەدی هەر چاک و پیر و قوتب و لەوانیش مەزنتر، کە ڕاست یا هەڵە، ئاواتان دەگەیەننە جێ، پاکیت و پیرۆزیت و ئاسمانیت... ئاهـ و نزای گەلەکوردی یەخسیری 2500 ساڵەیی لە پەردەی بیسەری هەڵسووڕێنی ئەم جیهانە بلەرێنیتەوە تا ئەگەر فرشتەت چنگ نەکەوت، ئیزنە لە هەموو کوردەوە بە بەچکە ئەهریمەنێکدا پەیام بنێرە بۆی بە ئیمزای سی ملیۆن کوردەوە... بەڵکوو... خواوڕاستان... فرمێسکی خوێنینی هەتیمەکوردی بێ زار و نوا... دەربەدەری تازە وێرانگەکانی بابان و سۆران و بادینان بەسفارش لە غەیبەوە بەستەڵەکی دڵە ڕەق هەڵاتووەکەی چەکداری کوردی کوردکوژ نەختێک... هەروا بایی تۆ سکاڵێک خاو بکاتەوە، لە جیاتی دە قاتڵی تاوانبار پێنج کەسی بێ تاوان بکوژێت.
ئەمە دەڵێم و دەڵێمەوە دەشزانم چەند ئەستەمە بادانەوە بۆ شەقامی ڕاست!!
بەغداد: 1995-10-20
مسعود محمد
«...»
- نالی وشەی «طاهر»ی بە واتای «پاک» بۆ «بادی خوشمرور» داناوە. «طهور» یش کە «پاککەرەوە» یە و هێماشە بۆ ئاوی بەهەشت بە سەرچناری بەخشیوە.
وەکوو قوتابییەکی بەختەوەری هەستیار یاخود دەروێشێکی حەقسەلماندووی شێخی ڕابەر، دەستەونەزەر... بێ مەرایی... دوور لە تەما... کڕنوو دەبەم بۆ «مامۆستا»ی تەمەن دەساڵ و عەرزی خزمەتی دەکەم کە من حەفتاوشەش ساڵە گوێدێری پەندە نەدرکاوەکانتم و گەنجینە داخراوەکانتم کە بەڕێوە بوون بگەنە ڕۆژانی ئاخەلێوەی ژیانم و لێم ببنەوە بەو ئامۆژگارییەی قوتابیی سەرەتایی تەمەنی دە ساڵە بە دەرس لە مامۆستای تەجرەبەدیدەی حەفتا ساڵی وەردەگرێتەوە کە تازە بە تازەش ساڵی نۆیەمی عومری بێکۆتایی خۆی جێ دەهێڵێت ئیتر هەروا لە دەروونمدا مامۆستا و قوتابی تێکەڵ بە یەکتر دەبنەوە و وەک گۆران لەگەڵ خۆمدا دەڵێم:
نازانم کامتان کامن
کامتان نەوتی چرامن
من تۆم تۆ منیت... چۆنێک دەبین با ببین، ئەوەندەم بەسە لە سێبەرتدا بسێمەوە... بە سەرچاوەی ڕوونت دەزنوێژێکی کوردانە بشۆم. نەخێر بە جلکەوە خۆم لە کانیاوت هەڵێنم وەک تازە ساوایەکی بێ جلک و گەرد بێمەوە بەر تیشکی خۆرەتاوی کوردستانت خۆ من لە «نالی»ـیەوە فێرم لەگەڵ ڕۆحی خۆمدا سکاڵا بکەم:
بەو ئاوە خۆت بشۆ لە کدوراتی سەرزەمین
شاد بن بە وەصلی یەکدی کە تۆی طاهر ئەو طەهور
دەزانم تێک کردنەوەی سەرچنار و «مامۆستای کورد» قیلەشەرعی دەوێ، وێڕای نەختێک خۆخافڵاندن و چاونووقاندن و پشتبەستن بە کەمەربەندی وشەی بریقەدار، بەڵام بێگومان شەعبەدەبازیش، بە خۆی و جادووگەرییەوەی نەک هەر ڕەوایە بگرە بەولای پیرۆزیشەوە تێ هەڵدەکشێت کە دەستەودامانی نرخی باڵای شەرافەتمەندیی حەپەسانی گۆران و «شرابا طهورا» ی سەرچناری نالی و مزگەوتەماڵی «مامۆستای کورد» ببێت و وەنەوزێکی سەرخەوشکێنی دمەو بەیانی بە خۆی ڕەوا ببینێت، بۆ چرکەیەکی سەعاتیش بێ مەینەتی ئیقلیمگیری کورد و کوردستان بە دەست ڕۆڵەی کورد و کوردستانەوە فەرامۆش بکات کە فەرامۆشکردنی بۆ نییە مەگەر بە شێتبوون یا بە مەرگ. خۆڕایی نەبوو حاجی قادر فەرموویەتی:
هەتا وەک ئاگری ژێرکان لەگەڵ یەک
ئەگەر تووفانە لەشکرتان بە پووشەک
لەبەر حیزا بەخۆیی و ناتەبایی
لە ژێری حیزی حیزان بوونە دۆشەک
میراتگری سەردەمی نەخوێندوویی و بێ فەلسەفەیی و ئایدیۆلۆژیی ڕامیاری و ئابووری لەسەر میرات قەپوقیریان دەبوو، ڕەنگە ڕێکیش کەوتبانایە: وا لە دەرەبەیانی سەدەی بیست و یەکەم و بە سەقافەتی قەومایەتی و چینایەتی و دینایەتییەوە ڕۆڵەی کورد خۆی کرد بە میراتگری کفن و بەردەقەبری گەل و کوردستانەکەی ئینجا ئەگەر بەرهەڵستێک دەستی گرتن لە دابەشینی پارچەی کفن و کەرتی بەردەقەبر چ گلەیی لە عەزمی جەزمی ئەوان ناکرێت، ماڵم حەقە هەرگیز هێندە شێتگیرە نەبوون لە ئاست هیچ دوژمنێکدا، ئاخر بێگانە نابێ بێ ئوسووڵی لەگەڵدا بکرێت... چاو و ڕووی قایمی دەوێت!!
وا دڵم بۆ ئەو کەمتاکورتەی دڵسۆزی هۆشیار لێ دەدات لە پێشمەرگەی، عەرەب گوتەنی «صحیح النسب»ی نیشتمانپەروەری و خۆبەکوردزانین کە تەقەی ناچاری دەکەن ئاگر لە جەرگیان بەر دەبێت... دەست بۆ پاتاڵ نابەن... بەخۆ دەشکێنەوە... هانام بۆ هێنایت «مامۆستای کورد»، تاڤگەی شەرافەتی کوردایەتی! ڕۆحانیەتن فریای هەموو کوردی دڵسووتاو بکەوێت و ئاواتیان بگەیەنێتە دی، خۆ تۆ هێندەی مەرقەدی هەر چاک و پیر و قوتب و لەوانیش مەزنتر، کە ڕاست یا هەڵە، ئاواتان دەگەیەننە جێ، پاکیت و پیرۆزیت و ئاسمانیت... ئاهـ و نزای گەلەکوردی یەخسیری 2500 ساڵەیی لە پەردەی بیسەری هەڵسووڕێنی ئەم جیهانە بلەرێنیتەوە تا ئەگەر فرشتەت چنگ نەکەوت، ئیزنە لە هەموو کوردەوە بە بەچکە ئەهریمەنێکدا پەیام بنێرە بۆی بە ئیمزای سی ملیۆن کوردەوە... بەڵکوو... خواوڕاستان... فرمێسکی خوێنینی هەتیمەکوردی بێ زار و نوا... دەربەدەری تازە وێرانگەکانی بابان و سۆران و بادینان بەسفارش لە غەیبەوە بەستەڵەکی دڵە ڕەق هەڵاتووەکەی چەکداری کوردی کوردکوژ نەختێک... هەروا بایی تۆ سکاڵێک خاو بکاتەوە، لە جیاتی دە قاتڵی تاوانبار پێنج کەسی بێ تاوان بکوژێت.
ئەمە دەڵێم و دەڵێمەوە دەشزانم چەند ئەستەمە بادانەوە بۆ شەقامی ڕاست!!
بەغداد: 1995-10-20
مسعود محمد
«...»
- نالی وشەی «طاهر»ی بە واتای «پاک» بۆ «بادی خوشمرور» داناوە. «طهور» یش کە «پاککەرەوە» یە و هێماشە بۆ ئاوی بەهەشت بە سەرچناری بەخشیوە.
